ରାଜନୀତି
ରାଜନୀତିରୁ ଅବସର ନେଲେ ଡ଼. ଅଚ୍ୟୁତ ସାମନ୍ତ
ବ୍ୟୁରୋ: ରାଜନୀତିରୁ ଅବସର ନେଲେ ବିଜେଡିର ପୂର୍ବତନ ସାଂସଦ ଡ଼. ଅଚ୍ୟୁତ ସାମନ୍ତ । ଏନେଇ ସେ ସାମ୍ବାଦିକ ସମ୍ମିଳନୀରେ ଜଣାଇଛନ୍ତି। ଗତକାଲି ବିଜେଡି ସଭାପତି ନବୀନ ପଟ୍ଟନାୟକଙ୍କୁ ଭେଟିଥିଲେ । ଉଭୟ ଲୋକସଭା ଓ ରାଜ୍ୟସଭାରେ ତାଙ୍କୁ ସୁଯୋଗ ଦେଇଥିବାରୁ ସେ କୃତଜ୍ଞତା ଜଣାଇଥିଲେ । ତେବେ ପ୍ରତ୍ୟକ୍ଷ ରାଜନୀତିରୁ ଅବସର ନେବା ପରେ ମଧ୍ୟ ସେ ସମାଜସେବା କରିବେ ବୋଲି କହିଛନ୍ତି ଡ଼. ଅଚ୍ୟୁତ ସାମନ୍ତ। ଚଳିତ ୨୦୨୪ ନିର୍ବାଚନରେ ବିଜେଡି ଦଳରୁ କନ୍ଧମାଳ ସାଂସଦ ଭାବେ ନିର୍ବାଚନ ଲଢ଼ି ପରାସ୍ତ ହୋଇଥିଲେ।
ଅପରାଧ
ଚୋରି ସାମଗ୍ରୀ ଜବତ, ଦୁଇ ଗିରଫ
ବ୍ୟୁରୋ: ଜଟଣୀ ଜାମୁକୋଳି ରାଧାକୃଷ୍ଣ ମନ୍ଦିରରୁ ଚୋରି ହୋଇଥିବା ସାମଗ୍ରୀକୁ ଉଦ୍ଧାର କରିବାରେ ସଫଳ ହୋଇଛି ଏୟାରଫିଲଡ ପୋଲିସ, ଏହି ଘଟଣାରେ ଦୁଇ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ। ଗିରଫ ଅଭିଯୁକ୍ତ ହେଲେ ବରମୁଣ୍ଡା ଗ୍ରାମର ଅଶୋକ କୁମାର ସାହୁ ଏବଂ ସମୀର ପ୍ରଧାନ ।
ସୂଚନା ମୁତାବକ ଗତ ରବିବାର ରାତିରେ ଜଟଣୀ ଜାମୁକୋଳି ରାଧାକୃଷ୍ଣ ମନ୍ଦିରରୁ ଠାକୁରଙ୍କର ରୁପା ମୁକୁଟ, ରୁପା ବଇଁଶୀ, ଘଣ୍ଟ, ପିତଳ ଗିନି, ମୃଦଙ୍ଗ, ସାଉଣ୍ଡ ସେଟ ଆଦି ଚୋରି ହୋଇଥିଲା । ସକାଳୁ ମନ୍ଦିରରୁ ଚୋରି ହୋଇଥିବା ଦେଖି ଗ୍ରାମବାସୀ ଏୟାରଫିଲଡ ଥାନା ରେ ଲିଖିତ ଅଭିଯୋଗ କରିଥିଲେ। ପୋଲିସ ଘଟଣାର ତଦନ୍ତ କରିବା କରିବା ସହ ଜାମୁକୋଳି ଗ୍ରାମ ପଞ୍ଚାୟତ କାର୍ଯ୍ୟାଳୟରେ ଲାଗିଥିବା ସିସିଟିଭି ଫୁଟେଜ ଆଧାରରେ ବିଭିନ୍ନ ସ୍ଥାନରେ ଚଢ଼ାଉ କରି ବରମୁଣ୍ଡା ଅଞ୍ଚଳର ଦୁଇ ଲୁଟେରାଙ୍କୁ ଗିରଫ କରିଥିଲେ। ଅଭିଯୁକ୍ତଙ୍କ ଠାରୁ ଚୋରି ସାମଗ୍ରୀ ଜବତ କରିଥିଲା ପୋଲିସ। ଗିରଫ ଅଭିଯୁକ୍ତ ମାନେ ପେସାଦାର ଲୁଟେରା, ପୂର୍ବରୁ ସେମାନେ ବିଭିନ୍ନ ମନ୍ଦିରରୁ ଚୋରି କରିଥିବା ତଦନ୍ତ ବେଳେ ସ୍ୱୀକାର କରିଥିବା କହିଛନ୍ତି ଥାନାଧିକାରୀ ଶଶୀକାନ୍ତ ରାଉତ।
