ବ୍ୟୁରୋ: ଜଟଣୀ ଖୋର୍ଦ୍ଧାରୋଡ଼ ରେଳଷ୍ଟେସନରୁ ଜଣେ ମହିଳାଙ୍କ ଠାରୁ ଖୋର୍ଦ୍ଧାରୋଡ ଆରପିଏଫ ୧୮ କିଲୋ ୯୩୦ ଗ୍ରାମ ଗଞ୍ଜେଇ ଭର୍ତ୍ତି ବ୍ୟାଗ ଜବତ କରିବା ସହ ମହିଳାଙ୍କୁ ଗିରଫ କରିଛି। ଗିରଫ ମହିଳା ଜଣଙ୍କ ହେଲେ ଯାଜପୁର ଥାନା ଅଧିନ ଜରି ଗ୍ରାମର ସୁକାନ୍ତି ସାମଲ । ସୂଚନା ମୁତାବକ ସୋମବାର ରାତି ୧୦ଟା ୨୦ ସମୟରେ ସୁକାନ୍ତି ଏକ ବ୍ୟାଗ ନେଇ ଖୋର୍ଦ୍ଧାରୋଡ ଷ୍ଟେସନ ଭିତରକୁ ଯିବା ସମୟରେ, ପ୍ଲାଟଫର୍ମରେ ରହିଥିବା ଲଗେଜ ସ୍କାନରରେ ସେ ବ୍ୟାଗ ସ୍କାନ ନକରି ପ୍ଲାଟଫର୍ମ ଭିତରକୁ ପ୍ରବେଶ କରୁଥିବା ସମୟରେ, ସେଠାରେ ଉପସ୍ଥିତ ଥିବା ଆରପିଏଫ କର୍ମଚାରୀ ସୁକାନ୍ତିଙ୍କ ଉପରେ ସନ୍ଦେହ କରି ବ୍ୟାଗ ଚେକିଂ କରିବା ସମୟରେ ଗଞ୍ଜେଇ ଚାଲାଣ ହେଉଥିବା ଜାଣିବାକୁ ପାଇଥିଲେ। ପରେ ସୁକାନ୍ତିଙ୍କୁ ଅଟକ ରଖି ତଦନ୍ତ କରିବା ସମୟରେ ସେ ବାହାର ରାଜ୍ୟକୁ ଚାଲାଣ କରିବା ପାଇଁ ଯୋଜନା କରିଥିବା କହିଥିଲେ। ଜବତ ଗଞ୍ଜେଇର ଆନୁମାନିକ ମୂଲ୍ୟ ୧,୯୬,୫୦୦ ହେବ ବୋଲି ଆରପିଏଫ ଅଧିକାରୀ କହିଛନ୍ତି।