ବ୍ୟୁରୋ: ଜଟଣୀ ଥାନା ଅଧିନ ସିତାରାମ ଛକ ନିକଟ ଏକ ଗେଷ୍ଟ ହାଉସ ରୁ ଜଣେ ଯୁବକଙ୍କ ମୃତ ଦେହକୁ ଜବତ କରିଛି ଜଟଣୀ ପୋଲିସ । ମୃତ ଯୁବକ ଜଣଙ୍କ ହେଲେ ଭୁବନେଶ୍ୱର ଓ଼ଲ୍ଡ ଟାଉନ ନାଗେଶ୍ୱର ଟାଙ୍ଗୀର ନାରାୟଣ ସାହୁ । ସେ ସୋମବାର ଅପରାହ୍ନ ୩.୩୦ ସମୟରେ ଉକ୍ତ ଗେଷ୍ଟ ହାଉସ ର ୧୦୪ ନମ୍ବର ରୁମ ରେ ରହିଥିଲେ। ଗତ କାଲି ସକାଳେ ସଫେଇ କର୍ମଚାରୀ ରୁମ ସଫା କରିବା ପାଇଁ ଉକ୍ତ ରୁମ ର କବାଟ ବାଡେଇଥିଲେ। ନାରାୟଣ କବାଟ ନଖୋଳିବାରୁ କର୍ମଚାରୀ ମଲିକଙ୍କୁ କହିଥିଲେ। ଗେଷ୍ଟ ହାଉସ ମାଲିକ ସନ୍ଦେହରେ ଜଟଣୀ ପୋଲିସକୁ ଖବର ଦେଇଥିଲେ। ଜଟଣୀ ପୋଲିସ ଘଟଣା ସ୍ଥଳରେ ପହଞ୍ଚି ରୁମ ନମ୍ବର ୧୦୪ ର କବାଟକୁ ଭାଙ୍ଗି ଝୁଲନ୍ତା ମୃତ ଦେହକୁ ଜବତ କରିବା ତଦନ୍ତ ଆରମ୍ଭ କରିଛି।