ବ୍ୟୁରୋ: ଟାଙ୍ଗୀ ବନ୍ୟପ୍ରାଣୀ ବିଭାଗ ପକ୍ଷୀ ସୁରକ୍ଷା ବାହିନୀ ବିଶେଷ ସୂତ୍ରରୁ ଖବର ପାଇ, ଚିଲିକା କୂଳ ବାଲିନାଶି ଜେଟି ନିକଟରୁ ୨ ଟି ମୃତ ବିଦେଶୀ ପକ୍ଷୀ ଜବତ କରିବା ସହିତ ଜଣେ ବୃଦ୍ଧଙ୍କୁ ଗିରଫ କରିଛି । ଗିରଫ ବୃଦ୍ଧ ଜଣକ ହେଉଛନ୍ତି ସ୍ଥାନୀୟ ବାଲିନାଶି ଗ୍ରାମର ଅର୍ଜୁନ ଘଡେଇ । ଚିଲିକାରେ ବିଷ ପ୍ରୟୋଗ କରାଯାଇ ବିଦେଶୀ ପକ୍ଷୀ ମାନଙ୍କର ଶିକାର ହେଉଥିବା ଚିଲିକା ଡିଭିଜନର ଡ଼ିଏଫ୍ଓ ଅମ୍ଲାନ କୁମାର ନାୟକ କହିଛନ୍ତି । ଚିଲିକାରେ ପକ୍ଷୀଙ୍କ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ଏବଂ ପକ୍ଷୀ ଶିକାର ଉପରେ ରୋକ୍ ଲଗାଇବା ପାଇଁ ଶିକାରୀ ମାନଙ୍କ ଉପରେ ତୀକ୍ଷ୍ଣ ନଜର ରଖାଯାଇଛି ବୋଲି ଟାଙ୍ଗୀ ବନ୍ୟପ୍ରାଣୀ ବିଭାଗର ରେଞ୍ଜର ବିରାଜ ଦାସ କହିଛନ୍ତି ।