ବ୍ୟୁରୋ: ଜଟଣୀ ପ୍ରେସ୍ କ୍ଲବ କାର୍ଯ୍ୟାଳୟ ପରିସରରେ ୭୭ ତମ ସ୍ୱାଧୀନତା ଦିବସ ମହା ଆନନ୍ଦରେ ପାଳିତ ହୋଇଯାଇଛି l ଏହି ପବିତ୍ର ଉତ୍ସବରେ ବରିଷ୍ଠ ସାମ୍ବାଦିକ, ନୋଟରୀ ପବ୍ଲିକ, ସମାଜସେବୀ ତଥା ବରିଷ୍ଠ ନାଗରିକ ସେବାସଙ୍ଘର ସଭାପତି ଅବନୀ କୁମାର ରାଉତରାୟ ମୁଖ୍ୟ ଅତିଥି ରୂପେ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ l ପତାକା ଉତ୍ତୋଳନ ପରେ ଜାତୀୟ ସଂଗୀତ ଗାନ କରାଯାଇଥିଲା। କ୍ଲବର ଉପଦେଷ୍ଟା ହେମନ୍ତ କୁମାର ସୁନ୍ଦରାୟ, ମାନବ ଅଧିକାର ସଦସ୍ୟ ବାସୁଦେବ ସେଠୀ, ସମାଜସେବୀ ହବିବୁର ରେହମାନ ବିଶିଷ୍ଟ ଅତିଥି ଭାବେ ଯୋଗ ଦେଇଥିଲେ। ଜଟଣୀ ପ୍ରେସ୍ କ୍ଲବର ସାମ୍ୱାଦିକମାନେ, ସାମ୍ବାଦିକତା କରିବା ସହ ଲୋକ ମାନଙ୍କ ଅସୁବିଧାରେ ସବୁବେଳେ ଠିଆ ହୋଇଥାନ୍ତି। କ୍ଳବ ପକ୍ଷରୁ ବିଭିନ୍ନ ସମୟରେ ମାଗଣା ସ୍ୱାସ୍ଥ୍ୟ ମେଳା, ବୃକ୍ଷ ରୋପଣ, ଗରିବ ଅସହାୟ ବ୍ୟକ୍ତି ମାନଙ୍କୁ ସାହାଯ୍ୟ କରାଯାଉଛି। ଆଗାମୀ ଦିନରେ ଏହି କାର୍ଯ୍ୟକ୍ରମକୁ ବ୍ୟାପକ କରିବାପାଇଁ ଅତିଥିମାନେ କହିଥିଲେ। ଜଟଣୀ ପ୍ରେସ କ୍ଲବର ସଭାପତି ମହମ୍ମଦ ଇସ୍ମାଇଲ ଅଲ୍ଲୀ, ସମ୍ପାଦକ ହୃଦାନନ୍ଦ କୋଦାମ ସିଂହ, ସାମ୍ବାଦିକ ଯଯାତି କେଶରୀ ପ୍ରଧାନ, ଅମରେଶ ରାଉତରାୟ, ରବୀନ୍ଦ୍ର ମହାକୁଡ, ହରିହର ସ୍ୱାଇଁ, ସଂଜୀବ ସେଠ, ନିରଞ୍ଜନ ବେହେରା,ଧିରେନ ପ୍ରତିହାରୀ ପ୍ରମ୍ମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ।