ଜଟଣୀ, ୨/୪ : ଜଟଣୀ ସରସ୍ଵତୀ ଶିଶୁ ବିଦ୍ୟା ମନ୍ଦିରରେ ଏକ ଆଧ୍ୟାତ୍ମିକ ପରିବେଶରେ ଉତ୍କଳ ଦିବସ, ଛାତ୍ର ଛାତ୍ରୀଙ୍କ ପ୍ରବେଶ ଦିବସ ପାଳିତ ହୋଇଯାଇଛି। ବିଦ୍ୟାଳୟ ପରିସରରେ ବିଦ୍ୟାରମ୍ଭ ଯଜ୍ଞ , ହନୁମାନ ଚାଳିଶା,ସୁନ୍ଦରାକାଣ୍ଡ ପାଠ ହୋଇଥିଲା। ଶତାଧିକ ମାଆ ମାନଙ୍କ ଦ୍ୱାରା କଳସ ଶୋଭାଯାତ୍ରା ଅନୁଷ୍ଠିତ ହୋଇଥିଲା।
ଏହି ଶୋଭାଯାତ୍ରାରେ ଶ୍ରୀରାମ, ଶ୍ରୀଲକ୍ଷ୍ମଣ, ଶ୍ରୀ ହନୁମାନ ବେଶଧାରୀ ଘୋଷ ବାହିନୀଙ୍କ ଦ୍ୱାରା ସଂଚଳନ ବିଭିନ୍ନ ବିଭିନ୍ନ ମହାପୁରୁଷ ଓଡିଶାର ବରପୁତ୍ର ଝାଙ୍କି ସହ ପୃଥକ ପୃଥକ ଭାବେ ଶୋଭାଯାତ୍ରା ନଗର ପରିକ୍ରମା କରିଥିଲା।
ପଣ୍ଡିତ ପଦ୍ମନାଭ ପାଣିଗ୍ରାହୀ ଅତିଥି ଭାବେ ଯୋଗ ଦେଇ ଉତ୍କଳର ପ୍ରାଚୀନ ସଂସ୍କୃତି ଓ ଉତ୍କଳ ପ୍ରଦେଶ ଗଠନ ସମ୍ବନ୍ଧୀୟ ବକ୍ତବ୍ୟ ପ୍ରଦାନ କରିଥିଲେ। ପରିଚାଳନା ସମିତି ସଭାପତି ପ୍ରସନ୍ନ ରଥ, ବିଦ୍ୟାଳୟର ଗୁରୁଜୀ ଗୁରୁମା ଶିଶୁମାନେ ଉତ୍କଳ ଦିବସ ପାଳନର ମହତ୍ତ୍ୱ ବିଷୟରେ ପିଲାମାନଙ୍କୁ କହିଥିଲେ। ଏହି ଅବସରରେ କୃତି ଛାତ୍ର ଛାତ୍ରୀମାନଙ୍କୁ ଅତିଥି ପୁରସ୍କାର ପ୍ରଦାନ କରିଥିଲେ।ବିଦ୍ୟାଳୟର ପ୍ରଧାନ ଆଚାର୍ଯ୍ୟ ମାନସ ରଞ୍ଜନ ଜେନା କାର୍ଯ୍ୟକ୍ରମ ସଂଯୋଜନା କରିଥିଲେ। ଏହି କାଯ୍ୟକ୍ରମକୁ ଶରତ ଶ୍ରୀଚନ୍ଦନ, ନିରଞ୍ଜନ ସାହୁ, ସୁଧୀର ସାହୁ, ଉମାକାନ୍ତ ସାହୁ, ନମିତା ମିଶ୍ର, କୁଳମଣି ପାଇକରାୟଙ୍କ ସମେତ ସମସ୍ତ ଗୁରୁଜୀ ଗୁରୁମା ପରିଚାଳନା କରିଥିଲେ।
