ବ୍ୟୁରୋ: ଖୋର୍ଦ୍ଧାରୋଡ ଷ୍ଟେସନରେ ଏକ ମାଲବାହି ଟ୍ରେନ ଆଗକୁ ଡେଇଁ ଅଳ୍ପକେ ବଞ୍ଚିଲେ ଯାତ୍ରୀ। ଜଟଣୀ ଖୋର୍ଦ୍ଧାରୋଡ ରେଲୱେ ଷ୍ଟେସନର ପ୍ଲାଟଫର୍ମ ନମ୍ବର ୩ ଦେଇ ଏକ ମାଲବାହି ଟ୍ରେନ ଯାଉଥିବା ସମୟରେ ଆତ୍ମହତ୍ୟା କରିବା ପାଇଁ ହଟାତ ଜଣେ ଯାତ୍ରୀ ଟ୍ରେନ ଆଗକୁ ଡେଇଁ ପଡିଲେ।
ସେହି ସମୟରେ ପ୍ଲାଟଫର୍ମ ନମ୍ବର ୩ ରେ ଡ୍ୟୁଟି କରୁଥିବା ରେଳ ସୁରକ୍ଷା ବାହିନୀ କର୍ମଚାରୀ ଓ ଜିଆରପି କର୍ମଚାରୀ ଉକ୍ତ ଯାତ୍ରୀଙ୍କୁ ମୃତ୍ୟୁ ମୁଖରୁ ବଞ୍ଚାଇଥିଲେ। ଯାତ୍ରୀଙ୍କ ମୁଣ୍ଡରେ ଗଭୀର ଆଘାତ ଲାଗିଥିବାରୁ ତାଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ମେଡ଼ିକାଲରେ ଭର୍ତ୍ତି କରାଯାଇଛି। ଆହତ ଯାତ୍ରୀ ଜଣଙ୍କ ହେଲେ ଝାଡଖଣ୍ଡର ବେଲଚମ୍ପାର ଚନ୍ଦନ କୁମାର।