ଜଟଣୀ,୨/୪: ୨୦୨୪-୨୫ ଆର୍ଥିକ ବର୍ଷରେ ରାଜସ୍ୱ ଅଦାୟରେ ଆଗରେ ରହିଛି ଜଟଣୀ ତହସିଲ। ଜଟଣୀ ତହସିଲକୁ ବିଭାଗ ପକ୍ଷରୁ ୨୦୨୪-୨୫ ପାଇଁ ୭,୩୮,୬୦,୦୦୦ ଟଙ୍କା ରାଜସ୍ୱ ଆଦାୟ କରିବା ପାଇଁ ଟାର୍ଗେଟ ପ୍ରଦାନ କରାଯାଇଥିଲା। ଜଟଣୀ ତହସିଲ ୮,୨୧,୩୮,୬୬୬ ଟଙ୍କା ରାଜସ୍ୱ ଆଦାୟ କରି ବିଭାଗ ପକ୍ଷରୁ ସୁନାମ ଅର୍ଜନ କରିଛି। ପାର୍ଟ-୧ ରେ ୧,୯୪,୮୨,୦୪୭ ଟଙ୍କା ଆଦାୟ ହୋଇଥିବା ବେଳେ, ପାର୍ଟ-୨ ରେ ୬,୨୬,୦୪,୮୭୨ ଟଙ୍କା ଓ ପାର୍ଟ -୩ ରେ ୫୧,୭୪୭ ଟଙ୍କା ହୋଇଛି। ଜଟଣୀ ତହସିଲଦାର ପ୍ରୀତିପର୍ଣ୍ଣା ମିଶ୍ର ଟାର୍ଗେଟ ଠାରୁ ଅଧିକ ରାଜସ୍ୱ ଆଦାୟ କରିଥିବାରୁ ତାଙ୍କୁ ବିଭିନ୍ନ ଅଧିକାରୀମାନେ ଶୁଭେଚ୍ଛା ପ୍ରଦାନ କରିଛନ୍ତି।