ବ୍ୟୁରୋ: ଜଟଣୀ ଶରତ ପାଇକରାୟ ଷ୍ଟାଡିୟମରେ କଳିଙ୍ଗ ଯୁବ ପରିଷଦ ପକ୍ଷରୁ ଆୟୋଜିତ ୮ମ ଜଟଣୀ ଗଣେଶ ମହୋତ୍ସବ ଶନିବାର ସନ୍ଧ୍ୟାରେ ଉଦଘାଟିତ ହୋଇଯାଇଛି।
ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ମହୋତ୍ସବକୁ ଉଦଘାଟନ କରିଥିବା ବେଳେ, ଅତିଥିଭାବେ ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦେଵ, ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ବିଶ୍ୱରଞ୍ଜନ ବଡ଼ଜେନା, ପୂର୍ବତନ ଜିଲ୍ଲା ପରିଷଦ ସଭ୍ୟ ଡାକ୍ତର ବେହେରା, ଯୁବ ନେତା ସୁରଜ ପାଇକରାୟ, ରାଜ୍ୟ ଉପସଭାପତି ବିଜେପି ମହିଳା ମୋର୍ଚ୍ଚା ରଶ୍ମିମୟୀ ପଟ୍ଟନାୟକ ଯୋଗଦେଇଥିଲେ।
ଚଳିତ ବର୍ଷ ମିନା ବଜାର କୁ ବଡ଼ ରାମ ଦୋଳି, ଟୋରାଟୋରା, ବ୍ରେକଡ୍ରାନ୍ସ, ଭଳି ଅନେକ ଖେଳ ଆସିଥିବା ବେଳେ ୨୫୦ରୁ ଉର୍ଦ୍ଧ ଷ୍ଟଲ ଖୋଲାଯାଇଛି। ଅନୁଷ୍ଠାନର ସଭାପତି ରବିନାରାୟଣ ଦାସ ସ୍ୱଗତ ଭାଷଣ ପ୍ରଦାନ କରିଥିଲେ। ଆବାହକ ସୀତାକାନ୍ତ ନାୟକ ମହୋତ୍ସବ ସମ୍ପର୍କରେ ସୂଚନା ପ୍ରଦାନ କରିଥିଲେ, ସମ୍ପାଦକ ସମୀର ଜେନା ଧନ୍ୟବାଦ ପ୍ରଦାନ କରିଥିଲେ। ଓଡ଼ିଶାର ନାମୀ କଳାକାରଙ୍କ ଦ୍ବାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।