ଜଟଣୀ,୨୪/୩: ଓଡ଼ିଶାର ପ୍ରସିଦ୍ଧ ଲୋକକଳା ପ୍ରଚାର କରୁଥିବା ୟୁଟୁବ ଚ୍ୟାନେଲ ଡିଏମଭି ଜଟଣୀ ପକ୍ଷରୁ ଆଜି ଜଟଣୀ ବାଛରା ମେଳଣ ପଡ଼ିଆରେ ଯୁବ ୟୁଟ୍ୟବର ଦେବାଶିଷ ମହାପାତ୍ରଙ୍କ ସଭାପତିତ୍ୱରେ ଦ୍ଵିତୀୟ ବାର୍ଷିକ ପୁରସ୍କାର ବିତରଣ ଉତ୍ସବ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପାଇକ ଗୁରୁ କାଶୀନାଥ ନାୟକ ଯୋଗ ଦେଇଥିବା ବେଳେ, ସମ୍ମାନିତ ଅତିଥି ଭାବେ ଜଟଣୀ ପୌର ପରିଷଦର ପୂର୍ବତନ ଅଧ୍ୟକ୍ଷ ସଂଗ୍ରାମ କେଶରୀ ରାଉତରାୟ, ବିଶିଷ୍ଟ ଅତିଥିଭାବେ ଅଲ ଓଡିଶା କଳାକାର ସଙ୍ଘ ର ସଭାପତି ଦିଲ୍ଲୀପ କୁମାର ସାହୁଙ୍କ ସହ ସମାଜସେବୀ କୁମୁଦିନୀ ଦାଶ ଯୋଗଦେଇଥିଲେ। ଏହି ଉତ୍ସବରେ ରାମଲୀଳା ରେ ଅଭିନୟ କରୁଥିବା ପ୍ରାୟ ୬୦୦ କଳାକାରଙ୍କୁ ଅତିଥିମାନେ ପୁରସ୍କୃତ କରିଥିଲେ। ସେହିପରି ଜଟଣୀର ବିଭିନ୍ନ ଗଣେଶ ପୂଜା ମଣ୍ଡପ, ସାମ୍ବାଦିକ ଓ ବିଭିନ୍ନ କ୍ଷେତ୍ରରେ ପାରିଦର୍ଶିତା ଲାଭ କରିଥିବା ବ୍ୟକ୍ତି ବିଶେଷଙ୍କୁ ଉତ୍ସବରେ ସମ୍ମାନିତ କରାଯାଇଥିଲା।